Stir-fry núðlur með nautakjöti og brokkolí

Það er fátt sem mér finnst betra þessa dagana en góður núðluréttir. Ég skellti í einn slíkan um daginn með nautakjöti og brokkolí sem var virkilega góður og ekki skemmdi fyrir að hann var nokkuð einfaldur í framkvæmd líka.

Uppskriftin var eftirfarandi ...
1 dl soyjasósa
1 dl kjúklingasoð
2 msk hrísgrjónaedik
3 msk púðursykur
3 hvítlauksgeirar
1 msk sesam olía
1 msk maízanamjöl
1 msk ferskt engifer
1 msk Siracha sósa

2 msk matarolía
500 gr nautagúllas eða nautakjötsbiti
1 haus brokkólí
1 rauð paprika

Tók fram skál og setti í hana soyjasósuna,

kjúklingasoðið, hrísgrjónaedikið, 

púðursykurinn, hvítlauksgeirana (saxaðir),

sesamolíuna, maízanamjölið, saxað

engifer og siracha sósuna. 

Blandaði öllu vel saman og setti til hliðar.

Tók svo fram nautakjötið. Ég notaði 

einfaldlega gúllas sem ég skar í enn

minni/þynnri bita. Gúllas er tiltölulega

ódýr leið og hentar ágætlega í svona

rétti þó að auðvitað séu ýmsir aðrir hlutar

nautsins betri.

Tók svo fram stóra pönnu og steikti 

kjötið ásamt smá salti og pipar.

Setti kjötið svo aftur í skál og setti til

hliðar á meðan grænmetið var undirbúið.

Svo var bara að taka brokkólíið og

skera í bita og sömuleiðis paprikuna

og skera í sneiðar. 

Svo var bara að setja smá olíu á pönnuna

og steikja í 1-2 mínútur eða þar til

brokkólíið verður skærgrænt. Setti svo

hálfan dl af vatni og lok á pönnuna og

leyfði grænmetinu að mýkjast í 2-3

mínútur í viðbót. 

Hellti svo sósunni út á grænmetið og

leyfði suðunni að koma upp. 

Þá var bara að bæta kjötinu út á pönnuna. Leyfði

blöndunni að sjóða í 3-5 mínútur eða þar til 

blandan var farin að þykkna aðeins.

Á meðan blandan þykknaði sauð ég

pott af núðlum og bar fram ásamt

kjötinu. 

Eins og áður sagði - mæli með þessu :) Bragðgott, einfalt og þægilegt ... þarf nokkuð að segja meira? :)

Meira síðar.