Kjúklingasamloka með súrsuðu mangó

Þar sem ég lá í flensu og vorkenndi sjálfri mér ákvað ég að reyna að hressa mig aðeins við og elda eitthvað gott í kvöldmat og sjá hvort það myndi ekki hressa mig aðeins við. Ég hef verið mikill aðdáandi sænska kokksins Marcus Samuelsson lengi og hafði fyrir nokkru fundið uppskrift sem mig langaði að prófa á heimasíðunni hans sem var fiskisamloka með súrsuðu mangó. Þar sem ég er svo óheppin að vera með fiskóþol þá gekk það nú ekki. En mig langaði að prófa súrsaða mangóið og ákvað þess vegna að breyta uppskriftinni bara og nota kjúkling í staðinn fyrir fisk.

Uppskriftin endaði svona ...
1 baguette brauð
1 grænkálslauf

Kjúklingurinn
1-2 dl snakk (notaði Lays Naturel)
1 msk chilliduft
1 kjúklingabringa

Súrsað mangó
4 dl vatn
1 dl hvítvínsedik
2 mangó (t.d. 1 grænt, 1 rautt)
2 tómatar
1 dl sykur
2 græn chilli
2 jalapeno
1 rauðlaukur
4 hvítlauksgeirar
1 msk gul sinnepsfræ
2 lárviðarlauf
1 tsk kórianderfræ
Salt

Sítrónumajónes
2 dl majónes
1 msk ólífuolía
1/2 sítróna
1 lime
Limesafi
6 dropar tabascosósa
4 dropar Worcestershire sósa
1/2 tsk chillíduft
1/2 tsk salt

Byrjaði á að taka fram litla matvinnsluvél

og skellti í hana snakkinu og chillíinu.

Hakkaði þetta vel og vandlega saman 

þangað til þetta var orðið hálfgert duft.  

Setti snakkduftið í fat. 

Skar kjúklingabringuna í strimla ...

Velti kjúklingastrimplunum upp úr 

snakkinu þannig að kjúklingurinn 

var þakinn í snakki.  

Þá var að gera mangóið. Fyrir tilviljun

var ég með grænt og rautt mangó eins

og sagði í uppskriftinni. Munurinn er

er þó ekkert svakalega mikill - smá

bragðmunur en þetta græna er 

töluvert sætara. Ég held það skipti 

ekkert öllu máli þó að notuð séu tvö

mangó sömu tegundar.

Byrjaði á að skera græna mangóið í 

bita. Setti það í pott ásamt vatninu og

hvítvínsedikinu. Setti á eldavélina og lét 

suðuna koma upp. Lækkaði þá hitann

og leyfði þessu að malla í um 10 mínútur. 

Á meðan saxaði ég chillíið og jalapenoið,

tómatana, skar hvítlaukinn í sneiðar og

sömuleiðis rauðlaukinn. 

Skar hitt mangóið í bita líka. 

Skellti þessu svo öllu saman út í pottinn ...

Ásamt kóriander fræjunum, sykri,

sinnepsfræjunum og lárviðarlaufum.

Hrærði öllu saman og leyfði að 

sjóða í um fimm mínútur.

 Tók þá pottinn

af hitanum og leyfði þessu að kólna.

Tók þá til hliðar það sem ég vildi nota

strax og setti restina í krukku. Þetta 

geymist í ískáp í um 2 mánuði. 

Þá var bara að gera sítrónumajónesið.

Setti majónes í skál, tók hálfa sítrónu 

og raspaði og kreisti safann úr, 

kreisti safa úr limeinu, setti worcestershire

og tabasosósurnar út í, ásamt chillíduftinu

og ólífuolíu.

 Blandaði öllu vel saman. 

Þá var bara að lokum að steikja kjúklinginn

upp úr ólífuolíu á pönnu. 

Tók hálft baguette brauð og skar í tvennt.

Smurði sítrónumajónesi á brauðið.

Setti grænkál og annan helminginn

og tvo kjúklingastrimla.

Setti svo góðan slatta af súrsuðu mangó

ofan á kjúklinginn.  

Svo var bara að loka samlokunni og njóta!

Það má alveg óhikað mæla með þessu. Sýran af majónesinu og mangóinu koma alveg svakalega vel saman með kjúklingnum og mynda bragðsprengju sem sannarlega er ánægjuleg.

Meira síðar.