Þar sem bloggið á mánudaginn var orðið frekar langt þá sleppti ég þar úr öllu meðlætinu, enda tilvalið að vera eitt meðlætisblogg svona einstaka sinnum :-)
Meðlæti dagsins kom úr nýju uppáhaldsbókinni, sem ég nefndi um daginn, The accidental vegetarian, annars vegar steiktar kartöflur og hins vegar gljáðar gulrætur. Svo var tahini sósa með falafelinu auðvitað!
Uppskriftin fyrir steiktu kartöflurnar var eftirfarandi
1 1/2 dl ólífuolía
4-6 stórar kartöflur, afhýddar
Sjávarsalt
Reykt paprikuduft (smoked paprika)
Meðlæti dagsins kom úr nýju uppáhaldsbókinni, sem ég nefndi um daginn, The accidental vegetarian, annars vegar steiktar kartöflur og hins vegar gljáðar gulrætur. Svo var tahini sósa með falafelinu auðvitað!
Uppskriftin fyrir steiktu kartöflurnar var eftirfarandi
1 1/2 dl ólífuolía
4-6 stórar kartöflur, afhýddar
Sjávarsalt
Reykt paprikuduft (smoked paprika)
Kartöflurnar - reyndi að velja frekar stórar
Afhýddar ...
og skornar í grófa bita
Skellti þeim svo í pott
ásamt vatni og góðum slatta af salti, lét suðuna koma
upp og sauð í ca. 4 mín
Tók svo til stórt eldfast form og setti ólífuolíuna í formið
Skellti olíunni svo inn í heitann ofninn (220°C) og leyfði
henni að hitna þar vel og vandlega, eða þar til var farið
að rjúka af henni
Hellti vatninu af kartöflunum og setti pottinn aftur á helluna
Hristi svo pottinn aðeins svo þær brotnuðu aðeins upp
Tók svo formið út úr ofninum og setti kartöflurnar í olíuna
ATHUGIÐ gerið þetta VARLEGA ég er alveg með
nokkur brunasár á höndunum eftir þetta :-)
Enda olían alveg fáránlega heit!
Svo var bara að skella forminu aftur inn í ofninn og
leyfa því að vera þar í ca. 30 mínútur, en hræra í þeim
á 10-15 mínútna fresti
Eftir hálftíma tók ég þær út úr ofninum og saltaði þær þá
og hellti reyktu paprikudufti yfir
Hrærði svo vel í þeim
Nú er ég ekkert sérstaklega hrifin af kartöflum en vá hvað þessar voru hrikalega góðar :-) Stökkar að utan og mjúkar að innan - vá hvað þetta verður gert aftur - það þrátt fyrir brunasárin!
Þá eru það gljáðu gulræturnar ...
450 gr gulrætur, skornar í litlar ræmur
1 tsk sykur
1 tsk kúmen (ég notaði reyndar rósmarín því ég átti ekki kúmen eins og ég hélt, en ég held það hafi eiginlega jafnvel verið betra :-)
40 gr smjör
Salt og pipar
Gulræturnar skornar í ræmur
Fullt af ræmum :-)
Skellti þeim svo á pönnu
ásamt vatni (bara þannig að það nái aðeins yfir
gulræturnar), ásamt smá salti
Einni teskeið af sykri ...
og einni tsk af rósmarín
og auðvitað smjör!
Leyfði þessu að sjóða í 8-10 mínútur
Hellti þá vökvanum af gulrótunum og setti í aðra pönnu,
þar leyfði ég vökvanum að sjóða áfram og rýrna um 2/3
Skellti gulrótunum svo aftur út í vökvann,
hrærði vel saman og saltaði og pipraði
Svo var bara að skella þessu í skál og bera fram :-)
Þetta kom sömuleiðis á óvart, skemmtileg leið til að hressa upp á gulræturnar, en ég verð að viðurkenna að mér finnst þær alltaf bestar hráar!
Að lokum ... Tahini sósa
1 dós grísk jógúrt
1-2 msk tahini
Búnt af steinselju
2 hvítlauksrif
Salt og pipar
Setti jógúrtina í skál
1-2 msk tahini
Hrærði þessu vel saman með gaffli
Bætti svo steinseljunni út í sömuleiðis og hrærði saman við
Að lokum hvítlaukurinn og smá salt og pipar
Voilá, góð og merkilega holl sósa :-)
Ég var eiginlega merkilega ánægð með þetta allt, sérstaklega var ég skotin í steiktu kartöflunum ... mmm, fæ vatn í munninn við minninguna!! Sósan var líka þægileg í framkvæmd og bragði og örugglega hrikalega góð með grillsteikinni í sumar ... bara gott mál og vonandi enn betra sumar framundan.
Meira síðar.
Ummæli