Beikonvafðir kjúklingabitar með púðursykri og cayenne

Ég prófaði alveg hreint yndislega einfalda uppskrift um daginn að ég enn hoppandi kát yfir því hvað hún er yndislega einföld og hrikalega bragðgóð. Ekki skemmir fyrir að það er smá cayenne pipar :-)

Þetta er ekta uppskrift til að gera fyrir partý, saumaklúbbinn eða jafnvel fyrir fótboltaleikinn, já eða bara að nota eina kjúklingabringu og gera svona í kvöldmat fyrir einn. Uppskriftin kemur upprunalega frá suðurríkjadrottningunni Paulu Deen en ég verð að viðurkenna að hún er í smá uppáhaldi hjá mér þessa dagana :-) Ég er þó aðeins búin að aðlaga hana að mínum smekk eins og alltaf.

Uppskriftin er eftirafarandi ...
3-4 kjúklingabringur
300-400 gr beikonsneiðar
1/2-3/4 dl púðursykur
~1/4-1/2 tsk cayenne pipar (setjið aðeins minna ef ykkur líkar ekki við sterkt)
1/4-1/2 tsk chillíduft
1/4-1/2 tsk cumin
Salt og pipar

Skar kjúklingabringur í bita ...

og vafði svo hvern bita inn í beikonstrimil.

Festi beikonið á kjúklinginn með tannstönglum,

er þó búin að komast að því eftir að hafa prófað 

þetta aftur að það er eiginlega óþarfi nema 

kjúklingarnir séu þess mun stærri en ég skar þá

í fremur litla munnbita.

Tók svo fram litla skál og blandaði þar saman 

púðursykri, kryddunum og salti og pipar.

Svo var bara að velta bitunum upp úr 

púðursykurskryddblöndunni. Mæli með því

að taka tannstöngulinn úr á meðan :-)

Bitinn orðinn vel sykraður.

Raðaði bitunum svo á ofnplötu

og skellti inn í ofninn við 180°C

í u.þ.b. hálftíma eða þar til kjúklingurinn

var orðinn eldaður í gegn.

Lítur vel út ekki satt?

Þetta var eiginlega alveg hreint hrikalega gott og smakkast þess mun betur með alveg íííísköldum drykk. Hlýjar, bætir og kætir!

Meira síðar.