Bauð heim í saumaklúbb með óvenju stuttum fyrirvara um daginn og þar af leiðandi þurftu allar uppskriftirnar að vera fljótlegar og þægilegar. Ein af þeim sem ég ákvað að skella í voru quesadillas með allskonar gumsi úr ískápnum ...
Uppskriftin endaði svona ...
6 skallottulaukar
1 ferskur jalapeño eða 4 stórar sneiðar af súrsuðum
2 hvítlauksgeirar
5 beikonræmur
1 tsk cumin
1 tsk kórianderduft
250 gr rifinn maribóostur
Ferskur kóriander
Salt og pipar
8 heilhveiti tortillakökur
Uppskriftin endaði svona ...
6 skallottulaukar
1 ferskur jalapeño eða 4 stórar sneiðar af súrsuðum
2 hvítlauksgeirar
5 beikonræmur
1 tsk cumin
1 tsk kórianderduft
250 gr rifinn maribóostur
Ferskur kóriander
Salt og pipar
8 heilhveiti tortillakökur
Byrjaði á að taka skallottulaukinn ...
og skar hann í þunnar sneiðar.
Tók svo jalapeñosneiðar og skar í litla bita ...
Setti laukinn og jalapeño í skál, ásamt hvítlauknum
Skar svo beikonið í bita.
Steikti beikonið svo á pönnu og setti svo í litla skál.
Reyndi að skilja eftir svolítið af fitunni á pönnunni ...
En eftir að hafa steikt beikonið skellti ég laukblöndunni út á
og snöggsteikti. Hellti laukblöndinni svo í litla skál sömuleiðis.
Bætti út í laukblönduna cumin og kóriander og hrærði vel saman.
Þá var bara að rífa ostinn.
Setti svo álpappír á tvær ofnplötur og setti tvær tortilla kökur á
hvora plötu fyrir sig. Setti svo slatta af osti á hverja köku,
svolítið af laukblöndunni ofan á ostinn ...
... ferskan kóriander þar ofan á ...
og svo að lokum beikonbitana ...
Svo var bara að skella tortillakökum ofan á ...
og álpappír þar ofan á og inn í ofn við 200°C í sirka 15 mínútur
eða þar til osturinn hefur bráðnað.
Þegar þetta var tilbúið var einfalt mál að skera
þetta í bita og bera fram og njóta :-)
Þetta er alltaf góð björgun, hvort sem er fyrir saumaklúbb eða hádegismat eða kvöldmat - gott að bera fram með guacamole eða salsasósu og er alltaf jafn einfalt og gott.
Meira síðar.
Ummæli