Það er alltaf gaman að eiga góða kökuuppskrift og ég er svo sannarlega búin að vinna eina af mínm uppáhalds!
Uppskriftin var eftirfarandi ...
55 gr smjör
1 dl púðursykur
1 1/2 dós ananassneiðar
1 dl hakkaðar pekanhnetur (ég notaði sambland af heslihnetum og pekanhnetum)
2 2/3 dl hveiti
160 ml sykur
2 tsk lyftiduft
1/4 tsk salt
1/4 tsk engiferduft
160 ml mjólk
55 gr smjör, mýkt
1 egg
1 tsk vanilludropar
Uppskriftin var eftirfarandi ...
55 gr smjör
1 dl púðursykur
1 1/2 dós ananassneiðar
1 dl hakkaðar pekanhnetur (ég notaði sambland af heslihnetum og pekanhnetum)
2 2/3 dl hveiti
160 ml sykur
2 tsk lyftiduft
1/4 tsk salt
1/4 tsk engiferduft
160 ml mjólk
55 gr smjör, mýkt
1 egg
1 tsk vanilludropar
Tók fram hringlaga form og skellti 55 gr af smjöri
í það og setti inn í 180°C heitan ofn allt þar til
smjörið hafði bráðnað.
Á meðan smjörið bráðnaði hakkaði ég hneturnar.
Tók formið út úr ofninum
Hellti púðursykrinum út í smjörið
Blandaði smjörinu og sykrinum vel saman.
Raðaði svo ananassneiðunum í formið ...
og hellti hnetunum yfir. Setti formið svo til hliðar
á meðan ég gerði deigið sjálft.
Setti hveiti, salt og lyftiduft ...
sykur og engifer saman í skál og blandaði saman.
Bætti mýktu smjörinu, mjólkinni, egginu og vanilludropum
út í skálina ...
Notaði svo handþeytara til að blanda þessu saman.
Deigið er og á að vera frekar þykkt.
Hellti deiginu í formið - yfir hneturnar og ananasinn.
Skellti kökunni svo inn í ofninn við 180°C í sirka 30 mín.
Allt þar til tannstöngullinn kemur hreinn úr.
Leyfði kökunni að kólna í nokkrar mínútur.
Hvolfdi svo forminu á kökudisk.
Lyfti forminu af og út kom þessi stórkostlega kaka!
Þessi kaka var eiginlega alveg hreint fáránlega góð. Þétt í sér og alveg hreint ofsalega bragðgóð - þar að auki lítur hún rosalega vel út :-)
Mæli með henni við öll tækifæri.
Meira síðar.
Ummæli