Stundum þegar maður kemur heim úr vinnunni þá er þreytan eftir daginn allsráðandi og "úff, elda kvöldmat" tilfinningin sömuleiðis.
Þá er gott að eiga einfaldar og fljótlega uppskriftir að leita í og ég rakst á eina slíka í vikunni sem gjörsamlega sló í gegn hjá mér, fáránlega góð - alveg svona matur sem kemur tárunum fram í augun og ekki bara út af chillí-inu heldur vegna góðs bragðs líka :-)
Pasta fra diavolo er eitt slíkt og er algerlega nýtt uppáhald hjá mér!
Uppskriftin er eftirfarandi ... fyrir 2
2 hvítlauksrif
1 bréf ítalskt salami álegg
1 dós niðursoðnir tómatar
Salt og pipar
2 þurrkuð chillí
Ólífuolía
Tagliatelle pasta (sirka 4-5 hreiður)
Þá er gott að eiga einfaldar og fljótlega uppskriftir að leita í og ég rakst á eina slíka í vikunni sem gjörsamlega sló í gegn hjá mér, fáránlega góð - alveg svona matur sem kemur tárunum fram í augun og ekki bara út af chillí-inu heldur vegna góðs bragðs líka :-)
Pasta fra diavolo er eitt slíkt og er algerlega nýtt uppáhald hjá mér!
Uppskriftin er eftirfarandi ... fyrir 2
2 hvítlauksrif
1 bréf ítalskt salami álegg
1 dós niðursoðnir tómatar
Salt og pipar
2 þurrkuð chillí
Ólífuolía
Tagliatelle pasta (sirka 4-5 hreiður)
Byrjaði á að skella sirka 2 msk ólífuolíu í djúpa pönnu
Leyfði olíunni að hitna aðeins og skellti svo hvítlauknum út í
Þegar hvítlaukurinn var byrjaður að brúnast skellti ég
niðursoðnu tómutunum út í og notaði svo gaffal til
að reyna að kremja þá - hefði notað hakkaða tómata
ef ég hefði átt, en aldrei þessu vant átti ég bara eina
dós af tómötum í skápnum :-)
Svo var einfaldlega að bæta tveimur þurrkuðum
chillí út í, notaði bara buttana til að merja þau út í.
Leyfði sósunni svo að malla í sirka 5-10 mínútur.
Athugið að lækka undir og setja lok,
tómatasósan vill gjarna skvettast!
Á meðan sósan mallaði var ágætt að nýta tækifærið
og skera salami-ið ... Það er auðvitað hægt að nota
hvaða salami sem er og þetta er víst alveg sérstaklega
góð sósa til að nota með rækju og/eða hörpudisk!
Nema auðvitað fyrir ofnæmisgemlinga eins og mig ...
Skar salami-ið í bita
og svo var bara að skella því út í sósuna og leyfa
sósunni að malla í sirka 5 mínútur í viðbót ...
Glöggir lesendur sjá að á þessum tímapunkti var
vatnið fyrir pastað farið að bullsjóða ...
enda var næsta skref að skella pastanu í vatnið og
sjóða meðan sósan kláraði sig :-)
Svo var bara að skella pastanu út í sósuna þegar
það var tilbúið (hellti auðvitað vatninu af fyrst)
og blanda öllu vel og vandlega saman!
Nammi nammi namm!
Vitið þið, þetta var eiginlega bara sorglega gott pasta - sorglegt því það var svo yndislega einfalt að það er hálf hallærislegt að ég hafi ekki prófað það áður og gott því vá, vá, vá hvað það smakkaðist vel :-)
Mæli eindregið með þessu og mæli líka eindregið með því að prófa þetta með rækjum og/eða hörpudisk svona þið sem getið borðað svoleiðis!
Meira síðar.
Ummæli