Mangókjúklingur

Ég skellti í eðalgóðan kjúklingarétt um daginn - eiginlega svo góðan að mig langar í meira!

Pælingin hjá mér var að nota eldaðar kjúklingabringur sem ég átti inn í ískáp og eftir nokkra yfirlegu ákvað ég að prófa þessa uppskrift ...

2 kjúklingabringur

2 tsk rifiið engifer

1 rautt chillí

1/2 dl limesafi

1 tsk sykur

2 kaffir lime lauf

2 mangó

1 dl ólífuolía

1/2 gúrka

50 ml hrísgrjónaedik

2 lúkur rúkóla

Ferskt kóriander

2 fínustu kjúklingabringur - 

afgangurinn af ítalska kjúklingnum 

Notaði tvo gaffla til að rífa kjúklinginn í bita

Kjúklingurinn niðurrifinn :-)

Svo var ekkert annað að gera en að rífa engiferið 

og setja það svo í í stóra skál 

Ásamt hvítlauknum ...

hrísgrjónaedikinu ...

lime-safanum ...

Sykurinum ... uppskriftin sagði 1 msk 

eeeeen aldrei þessu vant lét ég 1 tsk duga :-)

Svo voru það kaffir limelaufin, en ég notaði

puttana til að mylja þau niður

Skar svo chillí-ið í þunnar sneiðar.

Notaði gaffal til að blanda öllu saman.

Svo var bara að bæta kjúklingnum út í 

og blanda öllu vel saman

Skellti svo plasti yfir skálina og 

leyfði þessu að standa í klukkustund í ískápnum

45 mínútum seinna var svo að undirbúa restina af salatinu.

Byrjaði á að skera annað mangóið í bita

og skellti í matvinnsluvélina ...

ásamt smá olíu.  

Verð að vekja athygli ykkar á mikilvægi þess að 

nota góða ólífuolíu og/eða jafnvel nota matarolíu

ef ykkur þykir ekki ólífuolíubragðið gott

Svo var bara að púrra þetta saman vel og vandlega

Tók svo kjúklinginn upp úr mareneringunni ...

skellti mangópúrré-inu út í mareneringuna ...

og blandaði vel saman.  Setti svo til hliðar.

Tók svo fram hitt mangóið og skar í munnbita

Skar gúrkuna í þunnar sneiðar og setti ásamt

mangóinu í stóra skál

Bætti svo út í rúkólanu, þurrkuðu kóriender 

(átti því miður ekki ferskt ...)

og svo svolítið af mangópúrré-inu

Svo var bara að skella kjúklingnum út í skálina

og blanda öllu saman ...

og síðast en ekki síst!

Borða og njóta.

Þessi reyndist virkilega góður - mæli óhikað með þessari uppskrift, ferskur og skemmtileg leið til að nota afganga :-)

Meira síðar.