Ég skellti í svokallað veiðimannapasta í kvöld, eða kjúkling alla cacciatore, en cacciatore mun þýða veiðimaður á ítölsku. Þetta er rosalega einfalt pasta og virkilega þægilegt að gera, en ég mun líklega smakka sósuna betur til næst - fannst eitthvað vanta en er enn að reyna að átta mig á hvað :-)
Ekki misskilja mig samt, pastað var gott - hafið þið ekki lent í þessu, það einfaldlega vantar eitthvað en samt ekkert áberandi; bragðgott en samt vantar eitthvað - held að málið sé að setja aðeins meiri tómatpúrru og aðeins meira af salti og pipar - prófa það næst!
Uppskriftin var annars eftirfarandi ... fyrir 2
500-600 gr kjúklingabringur (eða leggir, eftir smekk)
2 msk ólífuolía
3 dl sveppir, sneiddir
1 laukur, sneiddur
2 hvítlauksgeirar
1 dós niðursoðnir tómatar
1 3/4 dl hvítvín (eða kjúklingasoð)
1 lítil dós tómatpúrra
1 tsk sykur
1 tsk oreganó
1 tsk basilika
1 tsk rósmarín
Ekki misskilja mig samt, pastað var gott - hafið þið ekki lent í þessu, það einfaldlega vantar eitthvað en samt ekkert áberandi; bragðgott en samt vantar eitthvað - held að málið sé að setja aðeins meiri tómatpúrru og aðeins meira af salti og pipar - prófa það næst!
Uppskriftin var annars eftirfarandi ... fyrir 2
500-600 gr kjúklingabringur (eða leggir, eftir smekk)
2 msk ólífuolía
3 dl sveppir, sneiddir
1 laukur, sneiddur
2 hvítlauksgeirar
1 dós niðursoðnir tómatar
1 3/4 dl hvítvín (eða kjúklingasoð)
1 lítil dós tómatpúrra
1 tsk sykur
1 tsk oreganó
1 tsk basilika
1 tsk rósmarín
Byrjaði á því að skella kjúklingabringunum á pönnu
og steikja í ólífuolíu
og snúa við auðvitað, leyfði þessu að steikjast í
svolítinn tíma ...
Á meðan var tilvalið að skera grænmetið,
byrjaði á að sneiða sveppina
og svo laukinn í fínar sneiðar
Kramdi svo hvítlaukinn
Tók kjúklingabringurnar af pönnunni
og setti til hliðar, skildi olíuna eftir á pönnunni
Skellti svo lauknum, sveppunum og hvítlauknum á pönnuna
og steikti í sirka 5 mínútur.
Hellti svo niðursoðnu tómötunum út á, ásamt
hvítvíninu, og tómatpúrrunni
Smá sykri ...
Oreganó ...
Rósmarín ... og basilika
Skellti svo kjúklingnum út í ...
Setti að lokum lokið á og leyfði að sjóða í ca. hálftíma,
sauð á meðan pasta ...
Svona leit þetta svo út að lokum :-)
Eins og áður sagði, fáránlega einfalt - sæmilega bragðgott og eflaust lítið mál að gera enn bragðbetra! Mun örugglega gera þetta aftur og finna betur út með bragðið - deili því með ykkur þegar þar að kemur.
Meira síðar.
Ummæli