Eins og allir vita þá er er fátt betra en góður eftirréttur!
Sérstaklega þegar maður er að reyna að halda sig frá sælgætinu :-)
Ég er sem sagt enn og aftur hætt að borða sælgæti (fell alltaf þegar ég ferðast ...) og því megið þið lesendur góðir eiga von á fullt af girnilegum kökum og uppskriftum á næstunni!
Ég skellti í eftirfarandi snilldarrétt um daginn þegar mínir kæru vinir Kristrún Helga og Ómar Freyr, ásamt Ríkharði Helga komu í mat og nammi namm hvað þetta var alger snilld!
Ástæða þess að þessi réttur varð fyrir valinu var einfaldlega að ég átti banana og ég átti romm og hann hljómaði svo ótrúlega skemmtilegur!
Uppskriftin var eftirfarandi .. fyrir fjóra
1 1/2 dl ljós púðursykur
1/2 tsk kanill
1/2 tsk múskat
4 msk smjör
4 msk banana líkjör (má sleppa)
5 msk dökkt romm
4 bananar
Vanilluís
Byrjaði á því að setja sykurinn í skál,
ásamt kanil
og múskat
og hrærði öllu vel saman
Skellti svo smjörinu á djúpa pönnu og lét það bráðna
Bætti svo sykrinum út í brætt smjörið
Allt brætt daman á pönnunni
Romminu bætt saman við,
en ég átti ekki bananalíkjör í þetta skiptið
Skar svo bananana í tvennt bæði þvert og langsöm
Leyfði þessu svo að sjóða þangað til þetta
var orðið sýrópskennt
Velti bönununum upp úr sykurblöndunni
Svo var bara að kveikja í þeim
og bera þá fram ásamt vanilluís :-)
Úff hvað þetta var gott, fæ vatn í munninn við minninguna!
Mmmm ... nammi namm hvað þetta var rosalega gott - ég mun algerlega gera þetta aftur og mæli eindregið með að þið prófið þetta! Best er að nota sæmilega stinna banana, þ.e. ekki mjög þroskaða - en samt alls ekki græna eða neitt svoleiðis - Hrikalega gott!
Meira síðar.
Ummæli