Ég rakst á þessa skemmtilegu uppskrift þegar ég heimsótti Hjördísi og Kötu til Reykjavíkur um daginn, uppskriftin er sem sagt að brauði sem er mótað eins og tré sem mér fannst alveg ótrúlega skemmtileg áskorun :-)
Ég fékk afrit að uppskriftinni með mér heim og það kom auðvitað ekki til greina annað en að prófa hana fyrir pikknikið fræga! Þetta gekk allt saman vel nema hvað að mér tókst að "drepa" deigið með því að láta það vera úti yfir nóttu og já, það var víst næturfrost :-/ Brauðið bragðaðist vel engu síður en það var ansi þungt þar sem það hafði ekkert lyft sér í ofninum.
Uppskriftin var eftirfarandi ...
50 gr þurrger
100 gr smjör eða smjörlíki
5 dl mjólk
1 tsk salt
u.þ.b. 10 dl hveiti
1 egg
birki- og/eða sesamfræ
Setja gerið í skál
Bræða smjörið og mjólkina í potti, passið að hita ekki of mikið
Hella mjólkurblöndunni yfir gerið,
hræra í til að leysa gerið upp
Bæta svo salti saman við
og megninu af hveitinu, ég byrjaði á 8 dl
Svo var bara að hnoða :-)
Svona leit þetta út að lokum, en ég leyfði því svo að
hefast í ca. 30 mínútur
Þrjátíu mínútum síðar skipti ég deiginu upp í 3 búta
Tók svo hvern bút og rúllaði upp í lengjur
Setti fyrstu lengjuna í svona einhverskonar spurningamerki
Tók svo lengju tvö, sem var aðeins lengri og vafði
helmingnum saman við fyrri lengjuna
Tók svo þriðju lengjuna og klippti í litla búta
Raðaði svo þessum bútum utan um lengjurnar,
þannig að úr varð nokkurskonar tré.
Á þessum tímapunkti setti ég deigið út, en ég gerði það
um kvöld og vildi hafa það nýbakað daginn eftir þannig
að planið var að geyma það yfir nóttu og setja það svo
inn í ofninn að morgni, sem ég og gerði ... en næturfrostið
setti örlítið strik í reikninginn :-)
Að lokum, rétt áður en ég setti brauðið inn, braut ég egg
í skál og hrærði það með gaffli
Notaði svo eggið til að pensla brauðið
Leit þá svona út
Dreifði svo sesamfræjum yfir og skellti brauðinu í ofninn
Brauðið var í ofninum við 200°C í ca. 45 mínútur
Leit svona líka vel út en átti auðvitað að lyfta sér betur
Virkilega skemmtilegt brauð og það var bragðgott þrátt fyrir að hafa ekki lyft sér, mun örugglega prófa þetta aftur og þá gæta að því að "drepa" ekki gerið :-)
Meira síðar.
Ummæli