Sem forfallinn áhugakokkur þá kemst ég ekki hjá því þegar ég fer bæjarleið að kíkja í matvöruverslanir þar sem ég kem. Við eitt slíkt tækifæri kíkti ég einmitt á ameríska daga í Hagkaup og keypti þar Jetpuffed Marshmallow Cream (algert æði btw, a.m.k. fyrir sykurpúðaaðdáendur eins og mig!). Ég hafði beðið eftir e-u almennilegu tækifæri til að prófa þetta og það tækifæri kom auðvitað í pikknikinu hennar Díönu :-)
Þar sem ég hafði í raun enga almennilega hugmynd hvað mig langaði að nota þetta í þá var lítið annað en að google-a eftir uppskriftum og endaði ég á að prófa þessa hér:
1 dl smjör, við herbergishita
1/2 dl púðursykur
1 dl sykur
1 stórt egg
1 tsk vanilludropar
~2 1/2 dl hveiti
~7 Graham cracker kex, mulin
1 tsk lyftiduft
1/4 tsk salt
Slatti af mjólkursúkkulaði (ég notaði 18 litla þykka bita)
1 dós jetpuffed marshmallow creme
Byrjaði á að smyrja formið 21x21 cm
Setti svo smjör, púðursykur ...
og sykur saman í skál
og þeytti vel saman með handþeytara
Bætti svo egginu saman við ...
ásamt vanilludropunum
og hrærði enn betur saman :-)
Tók svo 7 Graham Cracker kexkökur og setti í
matvinnsluvélina sem sá um að hakka þær niður fyrir mig
Setti svo hveiti og kexið út í skálina með smjörsykurblöndunni
og auðvitað lyftiduftið
og saltið og hrærði allt vel saman
eða þangað til þetta leit svona út.
Þá tók ég helminginn af deiginu og setti í botninn
á forminu, næstum eins og að gera pæ botn :-)
Raðaði svo súkkulaðinu ofan á, fallega raðað er það ekki?
Skellti svo sykurpúðakreminu ofan á
Nammi nammi namm hvað þetta var girnilegt!
Svona leit dollan út
Skellti svo restinni af deiginu ofan á
sykurpúðakremið
Voilá, svona leit þetta út áður en
ég setti það inn í ofninn í 30-35 mín
við ~180°C, blástur
og svona kom þetta út!
Eigum við eitthvað að vera að ræða hvað þetta var fáránlega ótrúlega góð kaka?? :-)
Meira síðar.
Ummæli