Þá er það næstsíðasta uppskriftin úr gæsa-pikknikinu, sem endaði reyndar innandyra, en það eru núðlur með rækjum og engiferi - smökkuðust hrikalega vel!
Uppskriftin var eftirfarandi ...
1 1/2 búnt vorlaukur (6-9 laukar)
Ca 5 cm engifer
1/2 gúrka
6 litlir pakkar af núðlum
Slurkur af ólífuolíu
Slurkur af chilli olíu
1-2 tsk hnetusmjör
1 tsk sykur
Slurkur af soyjasósu
Slurkur af rauðvínsediki
Salt og pipar
2-3 dl rækja
Byrjuðum á því taka rækjuna úr frystinum og leyfa
henni að þiðna inn í ískáp - gleymdist að taka mynd :-)
Svo var að skera laukinn ...
Hann var líka settur í box og inn í ískáp
Engiferið var skorið í litla bita
og gúrkan sömuleiðis, gúrkan og vorlaukurinn fóru
inn í ískáp en gestir gátu sett sjálfir gúrku og lauk eftir smekk
Þá var að sjóða núðlurnar ... samkvæmt leiðbeiningum
Hellti svo af þeim vatninu og skellti þeim í stóra skál
Bætti svo út í góðum slurk af ólífuolíu ...
Einni vænri teskeið af hnetusmjör ...
1/2 - 1 tsk sykur, eftir smekk og vilja ...
Smá slurkur af soyja sósu ...
Sömuleiðis af ediki ... ekkert of mikið samt
Góðan slurk af chilli olíu
Bæta svo engiferinu út í og blanda öllu vel saman
Salt og pipar auðvitað líka :-)
Öllu hrært vel saman
Svo var þetta einfaldlega borið fram í fjórum skálum, núðlurnar í einni, gúrka í einni, vorlaukur í annarri og rækjan í þeirri fjórðu og fólk gat þannig fengið sér eftir eigin smekk sem er mjög hentugt, eins og t.d. fyrir mig sem er með óþol fyrir fisk og sjávarafurðum og gat þannig notið núðlanna án rækjunnar :-)
Virkilega góður réttur, engiferið gaf gott bragð og beit svolítið í eins og á að gera og gúrkan mildaði svolítið bragðið á móti.
Meira síðar.
Ummæli