Vá, vá, vá!! Þetta voru orðin sem flugu í gegnum huga mér þegar ég tók fyrsta bitann af kvöldmatnum í kvöld. Það eina sem ég vissi var að mig langaði að gera eitthvað úr rabarbara, enda rabarbaratímabilið í algleymingi þessa dagana. Það var því lítið annað að gera en að sökkva sér í uppskriftabækurnar til að fá hugmyndir og nota þær til að vinna málið áfram. Ég fann tvær uppskriftir í einni af uppáhaldsbókinni minni sem er The Essential New York Times Cook Book, önnur uppskriftin var reyndar rabarbaramarineruð önd (sem ég var augljóslega ekki með) en hin var fyrir rabarbaraengifersósu sem mér fannst ótrúlega spennandi!
Það var því lítið annað en að prófa, komin með ferskan rabarbara og bara gleði og spenna í eldhúsinu!
Kjúklingauppskriftin varð svona ...
2 dl þunnt sneiddur rabarbari
1 dl sojasósa
1 msk smátt saxað engifer
2 kjúklingabringur
Ólífuolía
Sósuuppskriftin var svo eftirfarandi ...
Ólífuolía
2 skalotlaukur, smátt skorinn
2 hvítlauksgeirar, smátt saxaður
2 msk smátt saxað engifer
4 dl vatn
2 dl sykur
8 dl rabarbari, skorinn í 1/2 cm sneiðar
2 1/2 msk hrísgrjónaedik
Salt og pipar
Það var því lítið annað en að prófa, komin með ferskan rabarbara og bara gleði og spenna í eldhúsinu!
Kjúklingauppskriftin varð svona ...
2 dl þunnt sneiddur rabarbari
1 dl sojasósa
1 msk smátt saxað engifer
2 kjúklingabringur
Ólífuolía
Sósuuppskriftin var svo eftirfarandi ...
Ólífuolía
2 skalotlaukur, smátt skorinn
2 hvítlauksgeirar, smátt saxaður
2 msk smátt saxað engifer
4 dl vatn
2 dl sykur
8 dl rabarbari, skorinn í 1/2 cm sneiðar
2 1/2 msk hrísgrjónaedik
Salt og pipar
Ferskur rabarbari, ekkert betra!
Skar hann í þunnar sneiðar
Skar svo engifer í litla bita
og skellti þessu saman í lítinn pott
Bætti svo við sojasósunni
og hrærði öllu saman og leyfði suðunni að koma
upp við meðalhita
Á meðan mareneringin sauð skar ég
kjúklingabringurnar í þunnar sneiðar
Mareneringin tilbúin :-)
Þá var bara að skella kjúklingnum í djúpan disk
og hellti svo ríflega helmingnum af mareneringunni yfir
kjúklinginn og hrærði allt vel saman. Ætlaði að nota
restinni af mareneringunni seinna en hætti svo við,
þannig að í rauninni mætti nota a.m.k. helmingi minna
af rabarbara og ca. 1/4 minna af sojasósu.
Setti svo bara plast yfir og leyfði að marenerast í 5 klst
en það er í raun alveg nóg að marenerast í 1-2 klst.
Þá var að byrja á sósunni.
Fyrsta skref var að skera laukinn smátt.
Skar svo hvítlaukinn smátt sömuleiðis
Skellti þessu svo á pönnu ásamt ólífuolíu.
Tók svo góðan bita af engiferi
og skar í litla bita
Þegar laukurinn var orðinn mjúkur og fallegur,
bætti ég engiferinu út á pönnuna og leyfði að mýkjast
áður en ég hellti vatninu út á pönnuna
og bætti svo við sykrinum.
Svo var bara að leyfa suðunni að koma upp
og skera rabarbara í 1/2 cm langar sneiðar
Þegar suðan var komin upp þá lækkaði ég hitann þannig
að suðan datt nánast niður og bætti þá rabarbaranum
út á pönnuna, og leyfði honum að sjóða við mjög lágan
hita í ca. 8 mínútur
Hann var samt ekki farinn að detta í sundur,
a.m.k. ekki mikið :-)
Veiddi svo rabarbarann upp úr og setti í sigti
Hækkaði þá hitann undir pönnunni og leyfði suðunni
að koma upp, hugmyndin var að "rýra" sósuna og
þykkja hana aðeins
Eins og þið sjáið þá lak auðvitað af rabarbaranum,
en ég hellti þeim vökva sem kom reglulega á pönnuna
Sjóði sjóði sjóði ... í nokkuð langan tíma
Þegar sósan hafði rýrnað um ca. helming byrjaði
ég á því að steikja kjúklinginn við háan hita
með smá ólífuolíu á pönnunni
Sósan hélt áfram að rýrna, þar til hún var ca. 2 dl
Úff, eigum við eitthvað að ræða hvað þessi kjúklingur
var hrikalega góður?
Þegar sósan hafði rýrnað eins og ég vildi þá tók ég
pönnuna af hitanum og leyfði henni að kólna aðeins
Á meðan tók ég kjúklinginn og setti á disk
Bætti svo hrísgrjónaediki við sósuna ...
Ásamt smá salti og pipar
hrærði allt vel saman og hellti svo í skál
Að lokum bætti ég við slatta af rabarbara
og voilá, þessi fína sósa tilbúin :-)
Til að hafa ekki bara sósu og kjúkling ákvað ég að
hafa smá tagliatelle með, sauð samkvæmt leiðbeiningum
Svo var það endaafurðin,
Skellti smá pasta á diskinn,
smá sósu
setti kjúklinginn ofan á
og aðeins meiri sósu :-)
Aftur, vá, vá, vá!! Alveg virkilega góður réttur sem kom skemmtilega á óvart. Kjúklingurinn var vel mareneraður og það var undirliggjandi þetta líka hrikalega góða saltbragð úr sojasósunni sem spilaði ótrúlega skemmtilega við sæta bragðið af rabarbara- og engifersósunni og útkoman varð algert ævintýri fyrir bragðlaukanna! Mæli með þessum fyrir þá sem hafa smá ævintýraþrá undirliggjandi í eldhúsinu.
Meira síðar.
Ummæli