Tófu með sítrónugrasi og basilíku

Ég hef fengið nokkur komment upp á síðkastið sem mér þykir endalaust vænt um, ótrúlega gaman að vita að e-r er að skoða síðuna og hefur gaman af því :-) Eins líka hef ég verið að fá komment á hvort ég sé ekki orðin akfeit og ég veit ekki hvað og hvað af því að borða þetta allt saman ... sannleikurinn er sá að ég reyni alltaf að elda þannig að ég geti geymt afganginn og tekið með mér í vinnu næsta dag, já eða fryst og svo er ég líka dugleg að bjóða fólki í mat sem svo borðar matinn fyrir mig, sem er besta lausnin :-) Þá hef ég verið spurð um hvernig mér gengur að fá hráefni í þetta allt saman hérna fyrir vestan og vitið þið hvað, það hefur gengið ótrúlega vel! Ég er reyndar líka orðin snillingur í að finna hráefni sem hægt er að nota í stað einhvers sem erfitt er að fá, en svo er það einfaldlega þannig að úrvalið í Samkaup og Bónus er hreinlega til fyrirmyndar, þó auðvitað sé ýmislegt sem stundum þarf að bíða eftir og já, svo eru einhverjar algerar sérvörur (eins og t.d. Kaffir lime leaves) sem fást bara í sérvöruverslunum í Reykjavík, en ég reyni þá bara að fara í þær þegar ég fer suður en yfirleitt eru þetta vörur sem geymast vel og lengi. Sem sagt "hrós" til Samkaups og Bónus á Ísafirði fyrir að vera með gott úrval, svona oftast a.m.k. :-)

Nema hvað, Tófu! Þar sem ég er í "átaki" þá ákvað ég að prófa að gera e-ð hollt og gott svona til tilbreytingar og ákvað þess vegna að prófa tófu uppskrift sem ég hafði haft augastað á lengi. Innihaldsefnin voru hrikalega spennandi: Tófu, sítrónugras, basilíka, hvítlaukur og turmeric ... hljómar vel ekki satt??

Uppskriftin var eftirfarandi:
3 sítrónugrös, fínt skorin
3 msk sojasósa
2 rauð chillí, fínt skorin
2 hvítlauksgeirar
1 tsk turmeric
2 tsk sykur
300 gr tófu, hreinsaði og þurrkað, skorið í munnbita
2 msk matarolía
3 msk jarðhnetur
Slatti af ferskri basilíku