Naan og Hummus

Eins og fram kom í síðasta bloggi þér er ég að reyna að venja mig á að taka með mér nesti í hádegismat í vinnu og ég fyrradag bjó ég til algera snilld (þó ég segi sjálf frá) = Hummus og Naan brauð :-)

Naan brauðið hef ég gert oft áður, enda hrikalega gott með indverskum réttum og já, eiginlega bara gott með hverju sem er.  Hummus uppskriftin var hinsvegar ný og hún verður tvímælalaust gerð aftur!  Þetta reyndist vera virkilega (þegar ég tala um virkilega þá meina ég stórkostlega) bragðgóður og þægilegur hádegismatur og bókstaflega bjargaði mér frá hungurdauða á bæjarstjórnarfundi í gær :-)

Ef við byrjum á Naan brauðinu þá er uppskriftin og aðferðin hrikalega einföld:
2-3 tsk þurrger
2 dl volgt vatn
1/2 dl sykur
3 msk mjólk
1 egg, slegið
2 tsk salt
~ 9 dl hveiti
1/2 dl smjör, brætt

Gerið sett í volgt vatnið og hrært saman og látið bíða

Hræra saman sykri, mjólk, eggi, salti og svo blanda

hveitinu við smátt og smátt, til að minnka líkur á að 

deigið verði of þurrt - mikið betra að bæta við

smá hveiti heldur en vatni :-)

Blandi blandi blandi

Deigið tilbúið til hefingar ...

Lítur vel út eftir ca. klukkutíma hefingu

Þá er að hafa tilbúið bráðið smjör og heita pönnu :-)

Teka smá handfylli af deigi ...

Móta með puttunum þannig að lítið flatbrauð myndast,

smyrja svo aðra hliðina með smjöri (ég verð að 

viðurkenna að ég nota bara eldhúspappír til þess þar 

sem ég á ekki pensil (hint hint ég á afmæli í febrúar)

Setja svo brauðið á pönnuna, smurðu hliðina niður

Á meðan sú hlið steikist er hin hliðin smurð :-)

Svo er bara að snúa við eftir smá tíma,

ég reyni að hafa þau ekkert of lengi á pönnunni, 

og alltaf styttra á seinni hliðinni

Nammi nammi namm - hrikalega gott líka bara með

smjöri og osti :-)

Naan brauðið tilbúið með hummus!

Þá er það hummusinn ...

1 dós kjúklingabaunir (nota niðursoðnar, auðveldara ...), hella af vökvanum en geyma 75 ml af honum

75 ml hnetusmjör eða tahini (ég notaði hnetusmjör þar sem tahinið mitt var útrunnið)

2 1/2 msk sítrónusafi (ég notaði meira)

2 msk ólívuolía

2-3 hvítlauksgeirar, saxaður

Smá salt

Smá cayenne pipar (ég notaði töluvert meira en smá)

Allt sett í matvinnsluvélina nema kjúklingabaunirnar

sjálfar ... saxað og blandað vel og vandlega

Lúkkar vel ;-)

Kjúklingabaununum bætt útí 

og svo hrært meira :-)

Hellti svo blöndunni í box, voða fínt og gott, þangað

til í smakkaði, úff, alltof mikið hnetusmjörsbragð!

Þá var bara eitt í stöðunni, setti góðan slatta

af sítrónusafa og annan góðan slatta af cayenne pipar

og svo góðan slatt af svörtum grófum pipar og 

hrærði svo bara saman með gaffli og smakkaði til

Nammi nammi namm, gott og sterkt eftirbragð!  Tvímælalaust nýja uppáhalds hummus uppskriftin mín :-)

Meira síðar.