Ég fékk alveg hreint frábæra Kurry bók í útskriftargjöf og er búin að prófa helling af skemmtilegum uppskriftum úr henni :) Uppskriftin sem mig langar að deila með ykkur í dag er Dal Makhani einmitt úr þeirri bók og var einfalt og hrikalega bragðgott!
Uppskriftin var eftirfarandi ...
120 gr þurrkaðar rauðar linsubaunir
40 gr smjör
1 laukur
3 hvítlauksgeirar
2 tsk ferskt engifer
1 grænt chillí
2 tsk cuminfræ
1 tsk malaður kóriander
1 tsk turmeric
1 tsk paprikuduft
200 gr nýrnabaunir
Búnt af ferskum kóriander
4 msk rjómi
Salt
Skellti linsubaununum í pott
ásamt vatni ... og leyfði suðunni að koma upp.
Svo var að saxa grænmetið ...
og skella því ásamt olíu á pönnuna.
Bætti svo kryddunum út á, ásamt engiferinu
blanda og steikja vel saman.
Hellti svo linsubaununum út á ...
og nýrnabaunum ...
Svo var bara að leyfa þessu að sjóða í sirka 10-15 mínútur
og bæta þá rjómanum út í og hræra saman við,
ásamt kórianderlaufunum.
Svo var bara að njóta.
Þetta var eiginlega bara gott og alveg óhætt að mæla með þessu :-) Hollt og gott auðvitað, og ef þið viljið ekki nota rjóma þá væri líka mjög gott að nota kókosmjólk.
Meira síðar.
Ummæli