Ég vona að þið hafið ekki gefist upp á biðinni kæru vinir, en þessi síðasta vika var óvenju erfið og annasöm hjá mér og ég hafði einfaldlega enga aukaorku til að setja í bloggið :-/ En orkan er öll og koma og ég kem fílefld til baka núna!
Ég bauð í saumaklúbb nýlega og bakaði auðvitað kökur og fleira skemmtilegt fyrir frábæru vinkonur mínar :-) Saumaklúbbar eru nefnilega frábært tækifæri til að prófa nýja hluti og ég nýtti þetta tækifæri vel í þetta skiptið, þetta reyndist allt hvort öðru betra!
Uppskriftin sem ég ætla að deila með ykkur í dag er æðisleg svona á sunnudagskvöldi með góðu kaffi! Alveg sérstaklega góð líka fyrir karamellu og súkkulaði aðdáendur!
Uppskriftin er eftirfarandi ...
8 msk smjör
140 gr kanilsykurkex
2 msk koníak
140 gr suðusúkkulaði
4 eggjarauður
1 1/2 dl púðursykur
2 msk púðursykur
2 msk maízanamjöl
1/8 tsk salt
4 dl + 2 msk rjómi
2 dl + 2 msk mjólk
1 1/2 tsk vanilludropar
1 msk kakó
Karamella
1 3/4 dl rjómi
1/2 dl sykur
1/2 dl vatn
1 msk smjör
Ég bauð í saumaklúbb nýlega og bakaði auðvitað kökur og fleira skemmtilegt fyrir frábæru vinkonur mínar :-) Saumaklúbbar eru nefnilega frábært tækifæri til að prófa nýja hluti og ég nýtti þetta tækifæri vel í þetta skiptið, þetta reyndist allt hvort öðru betra!
Uppskriftin sem ég ætla að deila með ykkur í dag er æðisleg svona á sunnudagskvöldi með góðu kaffi! Alveg sérstaklega góð líka fyrir karamellu og súkkulaði aðdáendur!
Uppskriftin er eftirfarandi ...
8 msk smjör
140 gr kanilsykurkex
2 msk koníak
140 gr suðusúkkulaði
4 eggjarauður
1 1/2 dl púðursykur
2 msk púðursykur
2 msk maízanamjöl
1/8 tsk salt
4 dl + 2 msk rjómi
2 dl + 2 msk mjólk
1 1/2 tsk vanilludropar
1 msk kakó
Karamella
1 3/4 dl rjómi
1/2 dl sykur
1/2 dl vatn
1 msk smjör
Byrjaði á að skella kexinu í matvinnsluvélina,
notaði sirka 12 kexkökur
Hakkaði þær þar til þær voru orðnar að frekar
fíngerðu dufti
Setti svo fjórar matskeiðar af smjöri og
bræddi í örbylgjuofninum
Setti kexið í litla skál og hellti koníakinu út í,
sem og smjörinu og blandaði öllu saman með gaffli.
Hellti svo kexblöndunni í pæ form og notaði skeið
til að slétta úr og ýta vel upp á hliðarnar.
Setti botninn svo inn í ofn við 180°C í 10 mínútur,
tók út úr ofningum og setti til hliðar og leyfði að kólna.
Á meðan botninn var að jafna sig bjó ég til karamelluna.
Byrjaði á að setja sykur í lítinn skaftpott,
bætti svo vatninu út í og stillti á meðalhita.
Svo var bara að leyfa suðunni að koma upp og sjóða
þar til vökvinn var orðinn ljós brúnn.
Þá var tími til að bæta rjómanum og smjörinu út í
og hræra öllu vel saman. Athugið að blanda
rjómanum smátt og smátt út í og hræra vel á milli.
Svona leit þetta út í hvert skipti sem ég bætti rjóma út í
En það var bara að hræra vel og að lokum
varð til þessi líka fínasta karamella.
Setti svo pottinn til hliðar og leyfði aðeins að jafna sig.
Hellti svo karamellunni í pæbotninn og dreifði vel úr.
Þá var að byrja á súkkulaðibúningnum.
Skellti súkkulaðibitunum í matvinnsluvélina og ...
hakkaði vel og vandlega, samt ekki of smátt.
Aðskildi eggjarauðurnar og setti í skál.
Bætti svo út í skálina púðursykrinum, maízanamjölinu
og saltinu.
Notaði svo handþeytara til að hræra þessu vel saman.
Setti svo til hliðar í bili.
Þá var að taka aftur fram pott og setti þar út í 1 dl +
2 msk rjóma ...
og 2 dl mjólk ...
og 4 msk smjör.
Stillti á meðalhita og hrærði reglulega í
til að blanda öllu vel saman
Þegar byrjaði að sjóða hellti ég heitri
rjómamjólkurblöndunni út í eggjablönduna í skálinni
og þeytti vel og vandlega saman.
Hellti svo öllu saman í pottinn aftur
Stillti aftur á meðalhita og hrærði stöðugt,
leyfði suðunni að koma upp og sauð í u.þ.b. 1 mínútu,
bætti þá út í vanilludropunum og sauð í aðra mínútu,
eða þar til búðingurinn var farinn að þykkna.
Hér getið þið lent í að þurfa að bæta við maízanamjöli.
Þegar búðingurinn hafði þykknað í pottinum tók
ég fram stóra skál, setti súkkulaðibitana í skálina
og sigtaði svo búðinginn í skálina.
Svo notaði ég sleikju til að blanda búðingnum ...
saman við súkkulaðið ...
nammi namm hvað þetta var girnilegt :-)
Setti skálina svo út í glugga og leyfði búðingnum
að kólna í um það bil hálftíma.
Þegar búðingurinn hafði kólnað hellti ég honum í
pæ formið yfir karamelluna. Þá var ekkert eftir
nema að undirbúa rjómatoppinn.
Hellti restinni af rjómanum í skál ásamt púðursykri ...
og vanilludropum
og svo var bara að þeyta rjómann þar til hann
var orðinn stífþeyttur.
Dreifði honum svo yfir pæ-ið.
Ég verð að viðurkenna að ég var eiginlega með
helmingi minni rjóma en ég átti að vera með, en
ég hafði bara keypt 1/2 líter af rjóma sem þýðir
að ég var ekki með alveg nógu mikið, en ég held
að það hafi ekkert komið að sök :-)
Skreytti svo að lokum með þessum fínu sykurhjörtum.
Vitið þið, þetta er eiginlega með því betra sem ég hef smakkað - alger bomba auðvitað, nammi namm hvað þetta var fáránlega gott! :-) Mæli hiklaust með þessari, skemmtileg að gera og enn betri að borða!
Meira síðar.
Ummæli